identitas lan manekawarni puisi jawa klasik

Puisi jawa klasik yaiku bagian sing ora bisa dipisahke saka khazanah kesusastran jawa tradisional. Karya sastra jenis iki umume didokumentasi ing naskah-naskah kuna sing disimpen ing museum-museum lan perpustakaan Indonesia, kayata perpustakaan Nasional Jogjakarta , perpustakan Sonobudoyo Yogyakarta lan sapanunggalane.

RAGAM PUISI JAWA

kategori puisi jawa klasik diwenehake marang karya-karya sastra jawa ing dalem metrum macapat kanggo mbedakake pemahaman babagan pengertian puisi jawa kuna sing bermetrum kakawin, puisi jawa tengahan sing bermetrum kidung, lan puisi jawa modern sing bermetrum geguritan. puisi jawa klasik biasane ditulis nganggo ragam basa jawa anyar huruf jawa utawa arab jawa. puisi jawa klasik sing ana bisa dikategorikake ing dalem kelompok-kelompok yaiku: 1) sastra babad 2) sastra piwulang 3) sastra pewayangan lan 4) sastra islam ( suluk, wirid, lan menak)

A. sastra babad

sastra babad umume berisi peristiwa-peristiwa sing ana hubungane karo kerajaan utawa tokoh-tokoh penting ing dalem kerajaan sing diceritakake secara naratif. contoh babad: babad Tanah Jawi, babad Mangir , babad Pati, babad  Majapahit lan sapanunggalane.

B. Sastra piwulang

sastra piwulang nduweni kandungan isi babagan nasihat utawa kritik sosial lan ajaran ketuhanan. contoh: kitab Nitisastra, Wulang reh Wulang sunu, wulang putra lan wulang putri.

C. Sastra pewayangan

sastra iki ngemu carita pewayangan. contone ana carita Ramayana lan Mahabarata.

D. Sastra Islam

sastra islam yaiku sekelompok karya sastra nganggo bahasa lan huruf jawa sing sumbere saka kasusastran islam lan prinsip-prinsip ajaran ketuhanan islam.


saking buku Puisi Jawa Klasik dening Yusro Edi Nugraha

puisi jawa

 

1.      MATI RASA

Rikala manungsa lali

Dadi kakuning ati

Apa lan kenapa ana donya

Nalika wis padha rumangsa 

Bakal isa, gampang lan ngremehna

                  ISA nglakoni perkara kang dadi dusta agama

                  Tanpa eling neraka disiksa

                  GAMPANG goleki alane liyan

                  Ora sadar yen awake lali

                  Lali maring kodrat insani

                  NGREMEHNA apa sing dadi hasile liyan

                  Ora ngerti yen awake ora bisa tandang

2.      REMBULAN

Peteng ndedet tekane wengi

Ati manungsa pada nggegirisi

Apa ya kuwi pratanda ilahi?

Pratanda yen manungsa ora bisa apa-apa

Manungsa mung duwe raga

Nanging ora duwe daya

                  Teka rembulan kang gawa sinar

                  Kanggo madangi alam donya

                  Sinar satitik(siji) kang sumebar

                  Nganti padang ati manungsa

                  Rembulan sing nuntun maring agama

                  Kang ndadekake urip mulya

3.      GELAS KOTHONG

Gelas kothong pratanda resik

Resik isi ala lan apik

Apik kanggo manungsa sithik

Sithik kang agawe becik

Ala kanggo manungsa kathah

Manungsa kang padha mbantah

Perkara apik sing diperintah

                  Kita kaya dene gelas kothong

                  Nalika lair ing alam donya

                  Resik tanpa ala sethithik

                  Resik tanpa becik katitik

                  Gelas diisi banyu

                  Maanungsa diisi ngilmu

                  Ngilmu kang nuntun

                  Maring kang ora gawe getun